• »Institute of Medieval and Early Modern Studies (IMEMS)

Canolfan Prydain ac Iwerddon yr Adferiad

Mae Canolfan Prydain ac Iwerddon yr Adferiad yn adeiladu ar sail cyfres o gynadleddau hynod o lwyddiannus sydd wedi’u cynnal ym Mangor er 2005. Bob dwy flynedd, mae pawb sydd � diddordeb yn hanes, crefydd a diwylliant teyrnasoedd Stiwartaidd yng nghyfnod teyrnasiad Siarl II, Iago II a Wiliam III yn cael eu gwahodd i Eryri am dridiau o drafodaethau ynglŷn �’r degawdau holl bwysig hyn yn hanes Prydain ac Iwerddon. Mae ysgolheigion blaenllaw o faes hanes, llenyddiaeth, hanes celf, diwinyddiaeth a disgyblaethau eraill wedi traddodi papurau mewn cyfarfodydd llawn; ac mae paneli wedi’u creu yn cynnwys grwpiau o ymchwilwyr arloesol eraill a myfyrwyr graddedig; � phob cynhadledd yn canolbwyntio ar ddegawd  (y 1660au yn 2005; y 1670au yn 2007; y 1680au yn 2009).

Dan arweiniad yr Athro Tony Claydon a’r Athro Thomas Corns mae’r Ganolfan yn meithrin trafodaeth barhaus rhwng aelodau yn y cyfnodau rhwng y cyfarfodydd bob dwy flynedd. Gan ddefnyddio grwpiau e-bost, cyfryngau eraill a chyfarfodydd bychain wyneb yn wyneb, bydd yn annog datblygiad pellach y trafodaethau a gychwynnwyd yn y cynadleddau; ac yn dechrau ffurfio grwpiau panel a gosod them�u ar gyfer cynadleddau’r dyfodol.