Canolfan Astudiaethau Canoloesol Bangor

Slideshow of images for Institute of Medieval and Early Modern Studies (IMEMS)

Mae Canolfan Astudiaethau Canoloesol Bangor yn sail i drafodaethau deallusol rhwng staff ac uwchraddedigion ledled adrannau’r brifysgol ym Mangor ac mae’n meithrin cydweithredu ehangach trwy gyfrwng SACMC a’r Fenter Gydweithredol newydd ar gyfer Datblygu Ymchwil trwy Rwydwaith Canoloesol Ewropeaidd.

Mae’r Ganolfan ym Mangor yn hybu ymchwil a dysgu ar lefel israddedig ac uwchraddedig, ac mae’n annog mentrau sy’n cynnwys mwy nag un adran. Ar hyn o bryd, ei phrif weithgaredd yw’r gyfres o seminarau ymchwil canoloesol, sy’n parhau ar y thema ‘Rhyngwyneb(au) diwylliannol yn y byd canoloesol’. Bydd cyfres newydd o ddarlithoedd cyhoeddus ar bynciau sy’n berthnasol i feysydd arbenigedd ym Mangor yn cychwyn yng ngwanwyn 2008. Mae gweithgareddau eraill i fyfyrwyr ac i’r cyhoedd yn gyffredinol yn cael eu datblygu ar hyn o bryd – gan gynnwys ysgol haf ym maes astudiaethau canoloesol.

Yn sgil cydweithredu SACMC a chyda nawdd gan Gyngor Ymchwil y Dyniaethau a’r Celfyddydau, cynhaliodd y Ganolfan Astudiaethau Canoloesol raglen o hyfforddiant paleograffeg a llawysgrifeg dwys i uwchraddedigion ym maes astudiaethau canoloesol (gan gynnwys hyfforddiant trwy gyfrwng y Gymraeg) yn ystod 2005/6. O 2007 mae’r rhaglen yn cael ei chefnogi gan Ysgol Graddedigion newydd Bangor, ac mae’n parhau i gael ei chynnal ar sail ryngddisgyblaethol (gweler y dolenni isod am fanylion). Mae Canolfan Astudiaethau Canoloesol Bangor hefyd yn cefnogi’r gynhadledd uwchraddedig ryngddisgyblaethol ym maes astudiaethau canoloesol, sef ‘Medievalism Transformed’, sy’n cael ei chynnal bellach ers pedair blynedd.

Yn sgil ei hymrwymiad i weithio ar draws disgyblaethau, mae Canolfan Astudiaethau Canoloesol Bangor yn lle delfrydol i ddatblygu prosiectau lleol sy’n cynnwys staff, myfyrwyr ymchwil ac, ar adegau, y gymuned leol. Mae’r amrywiaeth o arbenigedd yn y Ganolfan, ei chyswllt � chanoloeswyr a’r Llyfrgell Genedlaethol yn Aberystwyth trwy gyfrwng SACMC a’i darpariaeth bresennol o seminarau, hyfforddiant a chynadleddau ysgogol yn golygu bod y Ganolfan yn lle deniadol i ymgymryd ag astudiaethau canoloesol ar lefel uwchraddedig.

Dolenni

Y Ganolfan Astudiaethau Canoloesol

http://www.bangor.ac.uk/english/medieval/index.php.cy?menu+0&catid+0

Hyfforddiant paleograffeg

www.bangor.ac.uk/palaeography_training?index.php

Cynhadledd