Canllaw Cyfraith Hywel
Prif Ymchwilydd: Dr. Sara Elin Roberts
Cynorthwyydd Ymchwil: Bryn Jones
Amcan y prosiect yw cwblhau’r gwaith cefndirol a’r lawysgrifau Cyfraith Hywel. Dengys lawysgrifau cyfreithiol Cymreig destun llac o ran geirio ac hefyd o ran trefn y testun. Er bod llawer o waith wedi ei wneud yn y maes, yr ydym ymhell o fod â darlun cyflawn o’r deunydd sydd yn llawysgrifau Cyfraith Hywel. Bydd y prosiect hwn felly yn darparu rhestr o gynnwys pob llawysgrif cyfraith, ac bydd ffrwyth yr ymchwil yn cael ei gyhoeddi mewn cronfeydd data ar y we. Bydd llyfryddiaeth lawn, anodiadol o’r gweithiau sy’n cyfeirio at Gyfraith Hywel hefyd yn cael ei gyhoeddi ar y we, gyda thraethodynnau yn esbonio natur gwahanol adrannau y gyfraith.
Pwrpas y prosiect felly yw:
-
Darparu darlun cyflawn o gynnwys pob llawysgrif o gyfraith canoloesol Gymraeg sydd mewn bodolaeth.
-
Cyhoeddi’r ymchwil ar ffurf cronfa ddata y gellid ei chwilio ar y we fel y gall aelodau o’r cyhoedd gael mynediad at llawysgrifau cyfreithiol Cymreig.
-
Darparu disgrifiad o’r ysgolheictod sy’n ymwneud a Chyfraith Hywel.
-
Cynnig cyflwyniad i’r gyfraith i’r rhai sy’n newydd i’r maes.
-
Darparu canllaw i gyfraith Gymreig ganoloesol.
-
Darparu canllaw arbenigol i lawysgrifau cyfreithiol Cymreig.