Menywod a’r Cysegr

Slideshow of images for Institute of Medieval and Early Modern Studies (IMEMS)

Mae’r thema ymchwil hon yn SACMC yn datblygu arbenigedd llawer o ysgolheigion yn Aberystwyth a Bangor yn y berthynas rhwng y deuryw a’r profiad crefyddol yn y cyfnodau canoloesol a modern cynnar. Ymhlith y pynciau penodol (sy’n cael eu hastudio gan haneswyr, cerddoregwyr, ac arbenigwyr ym meysydd ll�n, y gyfraith ac astudiaethau Celtaidd) y mae barddoniaeth ddefosiynol menywod; cerddoriaeth grefyddol a pherfformiadau gan fenywod; awduriaeth y deuryw – gan gynnwys bywgraffiadau ac ysgrifennu am y tŷ; bywydau menywod mewn lleoliadau cysegr, o gell y meudwy i'r ddistyllfa ddomestig; crefydd ac oedran menywod; arferion darllen y deuryw; a menywod yn cyfranogi o grwpiau neu leoliadau anuniongred. Serch hynny, wrth fynd ar drywydd y cwestiynau hyn, prif nod y thema fydd dod � phobl ynghyd i ffurfio astudiaethau rhyngddisgyblaethol newydd, a hybu gwaith cydweithredol gydag ysgolheigion ymhell y tu hwnt i ddau gartref SACMC. Cred arweinwyr y thema mai dim ond drwy gydweithredu o’r fath y byddwn ni’n deall yn iawn y cysylltiadau cynnil a chymhleth rhwng menywod a’r agweddau hynny ar fywyd y gellid eu disgrifio'n gysegredig.

Mae’r ymchwil a gynhelir yn y thema hon yn cynnwys dadansoddi gwrywdod a’i berthynas � benywdod, ac mae croeso i arbenigwyr ym mhob agwedd ar y deuryw a chrefydd i ymuno �'r digwyddiadau a'r trafodaethau, ond ar brofiad menywod o'r cysegr y bydd y prif bwyslais. Dyma faes sydd wedi’i esgeuluso mewn meysydd megis hanes eglwysig a chymdeithasol, yr astudiaethau ar lenyddiaeth sy'n canolbwyntio ar y canon sefydledig, a cherddoreg: drwy astudio’r maes ar draws y disgyblaethau mae’n debygol y gwneir darganfyddiadau cyffrous a newydd i ddiwylliannau a chymdeithasau’r gorffennol, yn ogystal � rhoi golwg newydd ar y byd sydd ohoni lle mae'r ymatebion i ffydd yn bwnc llosg.

I ddarllen mwy am weithgareddau thema ‘Menywod a’r cysegr’, ac i ymuno �’u trafodaethau, cliciwch ar y dolenni isod.

Menywod a’r lle cysegr cynhadledd uwchraddedig (yn Saesneg yn unig)
Y drafodaeth Far�aidd (yn Saesneg yn unig)
Menywod canoloesol yn eu trydedd oes (yn Saesneg yn unig)

Yr Athro Helen Wilcox
Yr Athro Diane Watt

Cydlynwyr y Thema